هشام الجخ ** انسحبوا

انسحبوووووا
كان اللاسلكي بعيد
والعسكري مسمعش
انسحبوووووا
شوفوا العجب يا ولاد
العسكري مرجعش
انسحبوووووا
أطرش ده ولا صنم
ارجع يا جندي بيادة
دخل العدو العريش ارجع خلاص بزيادة

العسكري سامع
لكنه واد مجدع
شال آربيجيهو وضحك " إشمعنى أنا اللي أرجع "

وقف الزمن مذهول ساعتين بيشاهد
الجندي قام كبر المدفع اتشاهد
الدبابات ظهرت " ارجع يا جندي نظام "
ده كان كلام القيادة وده بردو وقت كلام

وقف الولد ددبان
يا سادة يا سامعين
صادهم كما الدبان
محروس يا واد من العين

الدبابات صفين
إتفاجأوا وإفترقوا
على كتفه كان مدفع
وعلى الجبين عرقه
غطى العفار النار
ولا حد عاد شايف
والدبابات بتهل
وده بردو مش خايف

الضحكة على وشه
ما تقولش بيصيف
ولسه الزمن واقف
مبسوط ومتكيف

الدبابات كترت
والكترة غلابة
والقلب لو مؤمن
ولا ألف دبابة

هتقولوا مات الولد
أنا أقولكم لا .. عاش
ما الجنة ولا فيها موت

ولا تتدخل .. ببلاش

عدد المساهمات : 48 تاريخ التسجيل : 24/10/2011

قصيدة جميلة جدا من قصائد الشاعر هشام الجخ

شكرا اسنتاذة فراولة على الانتقاء الرائع